Preghiera del contadino in lingua francoprovenzale - variante val d’Ala delle valli di Lanzo

Lou bin dou campagnìn

Lou grän snà än tla preus, ou vint pän

Par touà bountà, Nòstou Sgnoù, par touà poutènsi

Ma cò par miè sidoù; e sìtes mìes män ou s’fant strumänt umän dla Prouvidènsi.

Se da li sarmänt ou tcharlìnount stìsses äd vin

Se la fiou i vint frùta e nutrimänt

La sàva que est vita, tla doùnes Te

Ma li bras, Nòstou Sgnoù, tli tchàmes a me.

E me poouròm, countänt e än poc djenà

Mentre travàyou o mentre tàyou lou grän,

Àoussou la mänt e lou coeur vers Te,

a Te que tout ät pòous e äd sarvèis äd me.

Me äd vèou balutchìa än tla rouzà

E än dins äd l’or pressioùs dal moeires spi,

Àt sìntou än dins al rayìes dou soulèi luzänt,

la piòdji est la Touä vous, Touä vous est lou vänt.

Toun amoù, Toùes meravìyes, Touä bountà

Li stchàirou änt li eui inoutchänt dli miè magnä.

E cant que ou sèrount stäntches al miìes parpèries

E lou tchèl da vlu ou s’ùmpet da stèiles,

me sìntou Toun respìr, Nòstou Sgnou paisän,

e ät tchàmo äd benedì lou min travài

e ät prègou äd benedì la miä famìyi,

las-me nint soùl Nòstou Sgnou, e que e sèyet parèi.